Nóg 'n mylpaal vir Adele se 21

2012-11-28 10:38

Los Angeles – Meer as 10 miljoen eksemplare van die 24-jarige Britse sangeres Adele se album 21 is reeds verkoop, het die mediawebwerf Nielsen SoundScan bekend gemaak.

Die album het dié mylpaal verlede week behaal – minder as twee jaar nadat dit vrygestel is.

Sedert Nielsen SoundScan in 1991 verkope begin monitor het, is 21 die 21ste album waarvan 10 miljoen eksemplare verkoop is.

Dit is die derde album wat vanjaar die 10 miljoen-kerf bereik. Linkin Park se Hybrid Theory en Usher se Confessions het ook vroeër vanjaar dié kerf verbygesteek.

Adele het vroeër vanjaar weggestap met Grammy-toekennings in al ses kategorieë waarin sy benoem is.

– Volg Nuus24 op Twitter

- Sapa - AP