Nóg bekendes help Haïti
2010-01-19 19:32
Die vermaaklikheidsbedryf se ondersteuning vir organisasies wat hulp aan Haïti verleen, is besig om stelselmatig uit te brei.
Golden Globes-wenner Sandra Bullock het reeds $1 miljoen geskenk aan slagoffers van die aardbewing wat die land verlede week getref het.
Die model Gisele Bundchen het self ook $1,5 miljoen belowe, terwyl pop-ster Madonna sê sy het reeds $250 000 geskenk.
Nuus24 het vroeër berig dat George Clooney 'n lys sterre wat by die "Hope for Haïti"-fondsinsamelingskonsert sal optree, bekendgemaak het. Christina Aguilera, Bono, Alicia Keys, Sting en Justin Timberlake is almal op dié lys, wat bykans 30 bekendes insluit.
Clooney sal saam met Wyclef Jean en Anderson Cooper as aanbieders van die program optree, en die konsert sal op verskeie Amerikaanse televisie-netwerke uitgesaai sal word.
Lees meer by Variety.com