'Ninja is grootste poephol van 2010'
2011-01-19 19:00
Johannesburg - ‘n Bekende musiekjoernalis, Angola Badprop, het lesers op Don't Party tien redes gegee hoekom Waddy “Ninja” Jones die “Biggest Poephol of 2010”-titel verdien.
Hier volg Badprop se redes:
1. Hy is pretensieus
Blykbaar moet mens nie waag om hom by sy regte naam, Watkin Tudor Jones (of selfs bloot Waddy), te noem nie.
2. Hy kan nie kritiek hanteer nie.
Ninja het dit goed gedink om Koos Kombuis se ma sleg te sê in hulle mees onlangste video bloot omdat Koos gesê het hy verkies sy eie vloekery bo die van Die Antwoord.
3. Hy brand sy brue
Sy verhouding met die media is maar sleg en hy doen blykbaar net onderhoude met sekere joernaliste.
4. Sy tatoeëermerke is ‘n leuen
Ninja se lyf is vol tatoeëermerke wat bendelede op die Kaapse Vlakte allerhande gru-dade kos om te dra. Badprop daag Ninja uit om kaal bolyf deur Mitchell’s Plein te stap en te sien hoe ver hy kom.
5. Hy praat ‘n klomp nonsens oor sy rasse-identiteit.
In een van sy liedjies verwys hy na homself as ‘n kleurling. Hy is nie. Hy’s ‘n wit ou wat van Randburg af kom.
Kliek hier vir nog 'n rits redes
Volg Nuus24 op Twitter.