New Yorkers hoes vir aandjie met Obama, Beyonce
2012-09-19 15:19
Video - Obama praat oor VSA se toekoms
Kyk hier na die volledige toespraak van pres. Barack Obama by die Demokrate se Nasionale Konvensie in Charlotte, Noord-Carolina.
KYK
New York – New Yorkers het Dinsdagaand tot $40 000 per persoon (sowat R330 000) opgedok om 'n fondsinsamelingsgeleentheid in Manhattan's se 40/40-klub vir pres. Barack Obama by te woon, berig Variety.com.
Die beroemde president was egter nie die enigste trekpleister nie – die supersterre Jay-Z en Beyonce het as gasheer en -vrou opgetree.
Die paartjie het volgens berigte min te sê gehad oor die president toe hulle hom voorgestel het, maar Obama het hulle in sy toespraak hartlik bedank vir hulle "vriendskap".
Hy het aan die groep gesê sy vrou en dogters, Sasha en Malia, "is kwaad omdat hulle nie hier is nie."
Hy het ook gesê die wêreldbekende paartjie was goed vir sy kinders. "Beyonce kan nie 'n beter rolmodel wees vir my meisies nie," het hy gesê.
Obama het grappenderwys vertel dat hy en Jay-Z baie in gemeen het. "Ons het albei dogters en ons vroue is albei meer gewild as ons. So, jy weet, ons het 'n bietjie van 'n band in daardie opsig," het hy geskerts.
– Lees hier meer.
– Volg Nuus24 op Twitter.
