Nathan Followill gaan pa word
2012-06-28 13:59
Los Angeles – Die Kings of Leon-tromspeler Nathan Followill en sy vrou, Jessie Baylin, verwag hul eersteling, het die paartjie bevestig.
Die rockster het bekendgemaak sy vrou is swanger slegs 'n paar dae nadat sy broer, Caleb, se vrou, Lily Aldridge, aan 'n dogtertjie, Dixie Pearl, geboorte geskenk het.
Ken Weinstein, Nathan se woordvoerder, het gesê die paartjie is baie opgewonde oor dié goeie nuus.
Nathan en Baylin, wat in 2009 getrou het, se baba sal in Desember gebore word.
Nathan is die derde groeplid van Kings of Leon om 'n pa te word.
– Bang Showbiz.
– Volg Nuus24 op Twitter.
