Musiekwêreld treur oor Whitney se dood
2012-02-12 09:14
Kaapstad – Huldeblyke stroom in vir die legendariese sangeres Whitney Houston, wat dood in 'n hotelkamer in Beverly Hills, Kalifornië, aangetref is.
Die nuus van haar dood kom te midde van voorbereidings vir die musiekwêreld se grootste toekenningseremonie.
Volgens die Toronto Sun is organiseerders van die Grammy-toekennings besig om aan ‘n konsert ter ere van Houston te werk.
Die sangeres Jennifer Hudson sal na verwagting Sondagaand se konsert lei.
Die polisie in Los Angeles het haar dood in 'n kort verklaring buite die hotel bevestig.
Luidens CNN is die oorsaak van haar dood nog onbekend. Sy was 48 jaar oud.
Die koningin van pop was te sien in rolprente soos Waiting to Exhale en The Bodyguard.
Die sangeres van “I Wanna dance with somebody” het meer as 170 miljoen albums wêreldwyd verkoop, maar haar loopbaan het 'n groot terugslag gekry toe sy erken het dat sy aan dwelms verslaaf was.
Gerugte het onlangs die ronde gedoen dat die koninging van pop “so arm soos ‘n kerkmuis” was.
Volg Nuus24 op Twitter