Murray word 24 uur in tronk gemonitor
2011-11-09 07:04
Los Angeles – Dr. Conrad Murray, wat skuldig bevind is aan onopsetlike manslag vir die dood van Michael Jackson, word 24 uur per dag gemonitor uit vrees dat hy kan selfmoord pleeg.
Murray is Maandag beveel om in hegtenis te bly nadat die jurie hom op ‘n aanklag van onvrywillige manslag skuldig bevind het.
Volgens die Los Angeles Times koerant het ‘n wetstoepassingbeampte, wat anoniem wou bly, gesê personeellede is ingelig dat hulle moet seker maak Murray probeer nie om sy eie lewe by die Los Angeles County Jail te neem nie.
Tronkbewaarders gaan nou spesiale voorsorgmaatreëls tref om Murray veilig te hou. Hulle gaan hom ook ‘n enkelsel gee vir sy eie beskerming.
Volgens die skinderwebwerf TMZ sal Murray ook iemand kry om hom ten alle tye te vergesel waar hy wil gaan insluitend vir wanneer hy wil stort. Hy sal ook nie toegelaat word om in kontak te kom met ander gevangenes nie.
Murray, wat sy mediese lisensie as gevolg van die hof se bevinding verloor het, sal op 29 November gevonnis word. Hy kan ‘n maksimum vonnis van vier jaar kry.
– Bang Showbiz.
– Volg Nuus24 op Twitter.