Murray moontlik onder huisarres geplaas
2011-12-01 09:01
Los Angeles – Dr. Conrad Murray, wat Dinsdag tot vier jaar tronkstraf gevonnis is, kan dalk teen Kersfees uit die tronk wees.
Dít kom nadat Murray vroeër skuldig bevind is op ‘n aanklag van onvrywillige manslag in verband met Michael Jackson se dood in Junie 2009.
Daar is egter diegene wat glo dat Murray toegelaat sal word om die meeste van sy vonnis onder huisarres uit te dien weens die nie-gewelddadige aard van sy misdaad.
‘n Bron het aan RadarOnline.com gesê Murray se prokureurs is eintlik verlig regter Michael Pastor het hom nie beveel om gemeenskapsdiens te doen nie.
“Dit sou ‘n absolute nagmerrie vir hom gewees het, omdat hy natuurlik bespot sou word. Dit sou ook nie vir hom veilig gewees het om vullis op die snelweg of graffiti skoon te maak nie.
“Regter Pastor het Murray eintlik ‘n guns gedoen deur hom die maksimum vonnis op te lê.”
Weens oorbevolking in Kalifornië se korrektiewe fasiliteite is Murray na die Los Angeles County Jail gestuur. Die besluit om hom vry te laat onder huisarres moet nog bepaal en goedgekeur moet word.
“Dr. Murray hoop hy sal teen Kersfees vrygelaat word. Sy prokureurs het reeds aan hom gesê dit is ‘n moontlikheid.”
– Bang Showbiz.
– Volg Nuus24 op Twitter.