Murray in trane toe pasiënte getuig
2011-10-26 23:01
Los Angeles – Michael Jackson se dokter kon nie die trane
keer toe sy voormalige pasiënte die sorg wat hulle van hom af ontvang het, prys
nie.
Conrad Murray, Michael Jackson se dokter ten
tyde van sy dood, word op aanklagte van onwillekeurige manslag verhoor.
Vyf voormalige pasiënte is as karaktergetuies deur
die verdediging na die getuiebank geroep aangesien Murray self nie in die saak
teen hom gaan getuig nie.
Die eerste van die getuie, Garry Causey, het
homself as een van Murray se beste vriende beskryf.
“Ek ken hom.
“Ek weet van sy liefde en sy medelye vir sy
pasiënte.
“Hy is die beste dokter wat ek nog ooit besoek
het,” het Causey getuig.
“Ek dink nie hy het gedoen waarvan hy
beskuldig word nie.”
Kliek hier vir die volledige storie.
Volg Nuus24 op Twitter.