Murray het soos 'getroue werker' opgetree
2011-10-20 12:08
Los Angeles – ‘n Mediese deskundige het Woensdag in die Conrad Murray-verhoor getuig dat Murray nie soos ‘n dokter opgetree nie, maar eerder soos ‘n "getroue werker" wat die ontslape popster Michael Jackson se versoeke almal gehoorsaam het.
“Jackson wou elke aand propofol hê en Murray het ‘ja’ gesê. Dit is wat ‘n werker doen. Hy het nie sy mediese oordeel gebruik nie,” het Steven Shafer, ‘n deskundige op die gebied van verdowingsmiddels, gesê.
Murray word daarvan beskuldig dat hy Michael Jackson ‘n oordosis propofol gegee het om hom te help slaap.
As hy skuldig bevind word kan hy tot vier jaar tronkstraf opgelê word. Hy het skuld op 'n aanklag van onvrywillige manslag ontken.
Die verhoor sal na verwagting tot einde Oktober duur.
– Volg Nuus24 op Twitter.
- AP