Murray het niks van Propofol aan paramedici gesê
2011-09-30 23:00
Los Angeles – Wyle Michael Jackson se persoonlike dokter, wat van
manslag aangekla word, het nooit aan paramedici gesê dat Michael Propofol
toegedien is nie.
Paramedikus Richard Senneff het getuig dat dr.
Conrad Murray hulle net van die kalmeermiddel, Lorazepam, ingelig het.
Volgens Senneff het Murray vir hulle gesê dat
Michael Jackson nie aan enigiets ly nie.
“Murray het bloot gesê dat daar ‘niks’ is nie.
“Dit het al klaar glad nie vir my sin gemaak
nie,” het Senneff getuig.
Hy het egter later vir hulle vertel dat hy
Michael Jackson vir uitputting en ontwatering behandel.
Verder het Senneff vertel dat Murray
paniekerig voorgekom het toe hulle op die dag van Michael Jackson se dood
ingeroep is.
Hulle moes die dokter drie keer vra oor
Michael Jackson se toestand voordat die dokter enigsins gereageer het.
Sanneff het vertel dat Jackson se vel reeds koud en sy oë droog was toe hulle by hom aangekom het.
Hulle het hom in die kamer probeer bybring, maar het nie daarin geslaag nie.
Die paramedici wou Michael Jackson daar en dan dood verklaar, maar Murray het daarop aangedring dat hulle aanhou probeer tot hulle by die hospitaal kom.
Die staat beweer Murray het Michael Jackson die sterk
verdowingsmiddel Propofol gegee wat tot die sanger se dood in Junie 2009 gelei
het.
Volg Nuus24 op Twitter.
- SAPA