Murray het liters propofol bestel
2011-10-05 10:11
Los Angeles – ‘n Getuie in die verhoor van dr. Conrad Murray sê hy het 15 liter van die middel propofol by hom bestel.
Murray, Michael Jackson se persoonlik dokter, staan tereg op aanklagte van onvrywillige manslag. Hy het skuld ontken.
Die staat beweer Murray het Michael Jackson die sterk verdowingsmiddel propofol gegee wat, tot die sanger se dood in Junie 2009 gelei het.
Volgens Tim Lopez het Murray aan hom gesê die sterk verdowingsmiddel is vir ‘n hele paar pasiënte by sy kliniek in Los Angeles.
Maar owerhede sê Murray het nie ‘n kliniek in Kalifornië gehad nie.
“Hy het spesifiek aan my gevra om pryse sowel as die beskikbaarheid van propofol... te kry.”
Lopez het aan die hof vertel hy het nie voorheen propofol verkoop nie, maar hy het drie dae ná Murray se versoek 35 flessies na sy teater in Las Vegas gestuur.
Murray het toe van die flessies uit die pakkie gehaal en versoek dat die res na sy kliniek in Los Angeles gestuur moet word, alhoewel die adres wat hy gegee het dié van die woonstel was wat hy saam met Nicole Alvez en hul pasgebore seun gedeel het.
Drie weke later het Murray glo nóg propofol bestel, asook die daaropvolgende maand, het Lopez gesê.
Die finale bestelling wat Murray by Lopez gemaak het was op 10 Junie 2009, 15 dae voor die sanger se dood.
Lopez het getuig sy eerste ontmoeting met Murray was in 2008 toe hy hom genader het vir medikasieroom wat gebruik word om die vel wit te maak.
Murray het aan hom gesê dit was vir pasiënte wat ‘n tekort aan pigmentasie gehad het.
Die saak duur steeds voort.
– Contact Music.
– Volg Nuus24 op Twitter.