Murdoch jnr wen huis van $23 miljoen
2009-11-09 17:23
Sydney, Australië – Die oudste seun van Rupert Murdoch het die ‘Gladiator’ stêr Russel Crowe by ‘n $50 000 ‘n kop veiling geklop en ‘n Australiese huis gewen.
Lachlan Murdoch het met sy $23 miljoen bod klaargespeel met Crowe, en agt ander bieërs, en die ses slaapkamer herehuis in Sydney se eksklusiewe Bellevue Hill distrik opgeraap.
“Dit is die duurste huis wat nog ooit op ‘n veiling in Australië se geskiedenis verkoop is,” het Michael Pallier, ‘n eiendomsagent gesê.
Murdoch het verlede week die enigste uitnodiging na die veiling gewen, terwyl Crowe wat tans aan Ridley Scott se Robin Hood werk, die veiling vanaf ‘n rolprentstel in Amerika dopgehou en gebie het.
“Dit was nog nooit voorheen so gedoen nie. Elke persoon is gevra om $50 000 neer te sit voor die veiling begin het.”
Die 38-jarige Murdoch wat sy derde kind by die Australiese model Sarah verwag, gaan glo die die elegante huis restoureer. Die Franse handel kommissaris het voorheen in die huis gewoon.
Die Franse regering het die eiendom met uisigte oor die hawe, ‘n swembad en tennisbaan besit.
Elke bieër moes eers onderhoude saam met die Franse regering voer, voordat hulle toegelaat was om deel te neem aan die veiling,” het hy gesê.
- Sapa-AFP