Mumford & Sons, Adele wen by Brit-toekennings

2013-02-21 11:30

Londen – Die sangers Emeli Sande en Ben Howard het Woensdag die toppryse by die jaarlikse Brit-toekennings gewen.

Dié geleentheid is by Londen se 02 Arena aangebied.

Sande het die toekenning vir beste vroulike kunstenaar gewen terwyl Howard met die toekenning vir beste manlike kunstenaar weggestap het.

Mumford and Sons het die gesogte prys vir die beste Briste groep gewen.

Sande, wat vier benoemings ingepalm het, het ook die toekenning vir beste Britse album gewen.

Sy het tydens haar toespraak gesê dat sy ‘n baie "onwaarskynlike" popster is.

Howard het ook ‘n tweede toekenning ingepalm in die beste Britse deurbraak-kategorie.

Adele het die toekenning vir beste liedjie vir Skyfall, verlede jaar se James Bond-temalied, gewen.

Die lys van wenners by die Brit-toekennings:

Briste vroulike kunstenaar – Emeli Sande

Britse groep – Mumford & Sons

Britse deurbraak-groep – Ben Howard

Britse manlike kunstenaar – Ben Howard

Kritici se keuse – Tom Odell

Internasionale vroulike kunstenaar – Lana Del Rey

Beste Britse regstreekse optrede – Coldplay

Beste Britse liedjie – Skyfall, Adele

Internasionale groep – The Black Keys

Internasionale manlike kunstenaar – Frank Ocean

Spesiale Erkenning – Warchild

Beste Britse album – Emeli Sande, Our Version of Events

Globale sukses – One Direction

– Volg Nuus24 op Twitter

 

- Sapa-DPA