Modern Family-ster ontken seks-aantygings

2012-11-13 10:23

Los Angeles – Vriende van die Modern Family-aktrise Ariel Winter het aan die vermaakwebwerf TMZ gesê sy hou vol haar ma se bewerings dat sy haar saam met 'n ouer tiener in die bed betrap het, is onwaar.

Die kinderster het glo aan haar vriende gesê sy het nie met die 18-jarige Cameron Palatas seks gehad nie, en dat haar ma die storie versin het om te verhoed dat haar houvas op haar dogter verswak.

Chrystal Workman, die jong ster se ma, het volgens 'n polisieverslag op die aand van die 24ste September vir Ariel en haar kêrel in die bed betrap in haar huis se gastekamer.

Ariel het egter aan vriende gesê haar ma "lieg blatant" oor die voorval. 

"Ariel is so onskuldig, sy het nooit eers 'n seun gesoen tot haar eerste soen in 'n Modern Family-episode nie," het een van haar vriende aan die publikasie gesê.

– Lees hier meer.

– Volg Nuus24 op Twitter.