Modern Family-ster is bes betaalde aktrise
2012-07-20 21:02
Los Angeles – Sofia Vergara is Hollywood se bes betaalde televisie-aktrise.
Die Modern Family-ster het tussen Mei 2011 en Mei 2012 $19 miljoen (sowat R155 miljoen) verdien, het die Forbes-tydskrif berig.
Die aktrise het ondermeer ‘n klerereeks by Kmart, advertensierolle vir Diet Pepsi, Burger King en Cover Girl en haar eie mediamaatskappy, LatinWE.
Kim Kardashian is in die tweede plek met $18 miljoen (sowat R147 miljoen) oor dieselfde tydperk terwyl haar suster, Khloe Kardashian, vyfde is met $11 miljoen (sowat R90 miljoen).
Die Desperate Housewives-aktrise Eva Longoria is derde, danksy haar $15 miljoen (sowat R122 miljoen) verdienste. Longoria en mede-Desperate Housewives-aktrises het elkeen $8 miljoen (sowat R65 miljoen) vir die laaste seisoen van die reeks gekry, maar Longoria spog met borgskappe van Pepsi Next, L’Oreal, haar eie parfuum en haar kookboek wat haar ‘n ekstra hupstootjie gegee het.
Die realiteitstelevisiester Bethenny Frankel, was vierde met $12 miljoen (sowat R98 miljoen) en die top-10 is afgerond met die 30 Rock-ster Tina Fey, Law and Order: SVU se Mariska Hargitay, New Girl-aktrise Zooey Deschanel, Desperate Housewives se Felicity Huffman en die Grey’s Anatomy-ster Ellen Pompeo.
Forbes se lys van bes betaalde TV-aktrises:
1. Sofia Vergara $19-miljoen(sowat R155 miljoen)
2. Kim Kardashian $18-miljoen (sowat R147 miljoen)
3. Eva Longoria $15-miljoen (sowat R122 miljoen)
4. Bethenny Frankel $12-miljoen (sowat R98 miljoen)
5. Khloe Kardashian $11-miljoen (sowat R90 miljoen)
6. Tina Fey $11-miljoen (sowat R90 miljoen)
7. Mariska Hargitay $10-miljoen (sowat R81 miljoen)
8. Zooey Deschanel $9-miljoen (sowat R73 miljoen)
9. Felicity Huffman $9-miljoen (sowat R73 miljoen)
10. Ellen Pompeo $9-miljoen (sowat R73 miljoen)
– Volg Nuus24 op Twitter
- BangShowBiz
