Minder mense kyk Golden Globe-toekennings
2012-01-17 14:03
Los Angeles – Die kykertalle van die Golden Globe-toekennings het Sondagaand afgeneem in vergelyking met verlede jaar, het die uitsaaier NBC Maandag gesê.
Die komediant en aanbieder van die toekennings Ricky Gervais se grappe oor Hollywood-sterre was bedoel om talle nuwe kykers te lok.
Maar slegs 16,8 miljoen mense het die toekenningsaand op televisie gevolg in vergelyking met die 17 miljoen wat dit verlede jaar gekyk het.
Die Golden Globes word, behalwe die Oscars, as die mees belangrikste toekennings in Hollywood beskou.
– Volg Nuus24 op Twitter.
- SAPA