Aktrise bieg oor diefstal, bedrog

2012-08-31 12:54

Los Angeles – Die aktrise Milla Jovovich het grappenderwys onthul dat sy ‘n teestel by ‘n Londense hotel gesteel het, en dat sy boonop veel erger dinge aangevang het toe sy jonger was.

Die Resident Evil-aktrise het glo verskeie kere saam met 'n vriend by haar gunsteling- Londense hotel gaan kuier net om die teestel te steel, het die Britse koerant The Sun berig.

“Ek en my gay vriend het dit reggekry om ‘n hele Lanesborough Hotel-teestel te steel!”

“Ons het vier koppies en pierings, ‘n suikerpot en ‘n potjie vir room gekry. Ons kon net nie die teepot steel nie.”

“Dit was alles op verskillende reise gesteel, maar omdat ons dit gesteel het is als gebreek.”

Jovovich erken dat sy haarself in haar jonger dae as ‘n “slegte meisie” beskou het, en dat sy gereeld met die polisie vasgesit het.

“Ons het gereeld die wet oortree. Sommer op busse gegaan sonder om te betaal,” het sy aan Empire-tydskrif gesê.

“Ons het ook beursies gekry en dan die kredietkaarte oor die naweke gebruik. Dan sou hulle ons in hegtenis neem. Ons was so onnosel. Ek het ook graag op mure geskryf!”

– Volg Nuus24 op Twitter