Miley Cyrus se bekruiper skuldig

2012-10-12 12:42

Los Angeles – 'n Man wat buite Miley Cyrus se huis in Los Angeles in hegtenis geneem is, is skuldig bevind aan betreding en dat hy van die polisie gevlug het.

Jason Luis Rivera is in September aangekeer, gewapen met 'n skêr, nadat die polisie na Cyrus se huis ontbied is.

Hy is Dinsdag in 'n hof skuldig bevind.

Volgens TMZ is hy beveel om weg van die sanger se huis te bly en kan hy tot 18 maande tronkstraf gevonnis word indien hy die voorwaardes verbreek.

Die 19-jarige Cyrus was ten tyde van die voorval nie by die huis nie.

Terwyl Rivera deur die polisie weggelei was, het hy beweer hy ken Cyrus en dat hy met haar getroud is.

– Bang Showbiz.

– Volg Nuus24 op Twitter.