Michael Jackson vermaak, steeds
2009-10-28 12:01
Los Angeles - Michael Jackson se nuwe rolprent “This Is It” het Dinsdag wêreldwyd geopen en bewys hy kan slefs na sy dood aanhangers vermaak.
In Los Angeles het 'n reeks bekendes opgedaag vir die bekendstelling van die film. Will Smith, Jennifer Lopez en die sanger se broers is van die sterre wat die geleentheid bygewoon het.
Die rolprent maak gebruik van ‘n versameling beeldmateriaal wat van oefensessies vir optredes tydens Jackson se laaste dae voor sy dood geneem is. Jackson was besig om voor te berei vir ‘n reeks optredes wat hy in Londen sou doen.
Honderde aanhangers het by die bekendstelling van die rolprent in Los Angeles opgedaag asook die opening in Londen wat op dieselfde tyd gehou is. Sowat 150 000 aanhangers die geleentheid in Los Angels op die web gekyk.
Bekendstellings is ook in 15 ander lande, insluitende Suid-Afrika, gehou.
Dié rolprent het reeds baie kritici se goedkeuring weggedra en getoon dat die Koning van Pop steeds kan vermaak.
- Reuters