Michael Jackson-dokter se verhoor vertraag

2011-03-03 17:00

Los Angeles – Michael Jackson se persoonlike dokter wat ‘n aanklag van onopsetlike manslag in die gesig staar, se verhoor is tot Mei uitgestel.

Dr. Conrad Murray ontken dat hy vir Jackson medikasie ingegee het wat moontlik tot die sanger se dood in Junie 2009 kon gelei het.

Die rede vir die vertraging is sodat die staat en die verdediging meer tyd kan hê om hulself voor te berei.

Openingsargumente, wat aanvanklik op 24 Mei sou plaasvind sal nou op 9 Mei begin.

Prokureurs van albei kante het aangedui dat hulle teen die nuwe verhoordatum gereed sal wees omdat hulle nou meer tyd het om inligting met mekaar te deel en verslae van kenners kan ontvang.

Dr. Murray kan tot op vier jaar tronkstraf opgelê word indien hy skuldig bevind word.
 
- Volg Nuus24 op Twitter.

- Sapa - AP