Melinda Bam stel visier op Mej. Heelal-kroon

2012-11-14 15:22

Pretoria – Mej. Suid-Afrika, Melinda Bam, is so vol vertroue dat sy as Mej. Heelal gekroon sal word en is reeds besig om te beplan hoe sy haar pligte gaan uitvoer, berig iol.

Die blondine van Pretoria het gesê sy is vasberade om die kompetise te wen.

"My gedagtes is al verby die kompetisie, my gedagtes is reeds in my termyn as Mej. Heelal," het sy gesê.

Op die vraag of sy skrikkerig is dat Mej. Venezuela met die prys gaan wegstap, het sy gesê: "Ek dink nie hulle is vanjaar so sterk nie, maar jy moet 'n kompetisie betree met 'n 'ek-wil-wen-houding' en glo dat jy goed genoeg is.

"Ek gaan nie halfhartig in die kompetisie nie en ek is bang vir niks of niemand."

Die Mej. Heelal-kompetisie word volgende maand in Las Vegas gehou.

– Lees meer hier

– Volg Nuus24 op Twitter