Mel Gibson het voorheen sy humeur verloor
2010-07-26 15:34
Kaapstad – Mel Gibson en Oksana Grigorieva se verhouding het glo tydens ‘n partytjie vir hul dogtertjie al begin skeefloop.
Gemoedere het glo op 18 Februarie al begin hoog loop toe die paartjie van hul vriende en familielede na hul herehuis in Malibu genooi het, om die geboorte van hul baba Lucia te vier deur ‘n boom te plant.
Volgens ‘n bron het Gibson sy humeur gedurende die dag verloor en Grigorieva daarvan beskuldig dat sy te veel met een van die tuiniers geflankeer het.
Slegs ‘n paar uur later het sy hul baba geneem en na een van Gibson se ander huise in Los Angeles gegaan.
Gibson word van huishoudelike geweld beskuldig.
Daar word beweer voordat Grigorieva vir Gibson in Februarie verlaat het, hy ‘n vuurwapen op haar gerig en gedreig om haar, hul dogter en Grigorieva se 12-jarige seun, Alexander te skiet voordat hy die vuurwapen op homself gedraai het.
Alexander, seun van Timothy Dalton, die gewese James Bond-ster, is vroeër deur die kinderbeskermingsdienste ondervra oor die voorval wat op 6 Januarie plaasgevind het.
- Vir die volledige storie besoek People.
- Volg Nuus24 op Twitter.