Mel B soek nuwe lewe in Australië

2012-09-10 15:16

Los Angeles – Die Spice Girls-sangeres Mel B, wat 'n beoordelaar op X Factor Australia is, wil graag permanent saam met haar man, Stephen Belafonte, en haar dogters, Phoenix, Angel en Madison, na dié land trek.

Mel, wat oorspronklik van die noordelike deel van Engeland is, het die meeste van haar tyd die afgelope jaar in Los Angeles en Sydney spandeer. Sy wil egter nou permanent in Australië gebaseer wees.

Die 37-jarige het vroeër vanjaar 'n huis in Sydney se oostelike voorstede gehuur en wil glo 'n huis koop. Sy het Phoenix ook by 'n plaaslike skool ingeskryf.

Gerugte doen die ronde dat Mel as aanbieder van die plaaslike weergawe van Dancing With the Stars sal terugkeer.

– Bang Showbiz.

– Volg Nuus24 op Twitter.