Marilyn Ramos dra Mej. SA-kroon

2012-12-10 09:35

Marilyn Ramos nadat sy as die nuwe Mej. Suid-Afrika gekroon is. (Brendan Croft, Foto24)

Sun City – Marilyn Ramos (21) van Klerksdorp is Sondagaand uit 12 finaliste as die nuwe Mej. SA in Sun City se Superbowl gekroon.

Ramos is 'n student in binnenshuise argitektuur.

Stacey Webb is eerste prinses en Pearl Nxele tweede prinses.

Vir dié dorpsmeisie is die Mej. SA-kroon ’n emosionele oorwinning wat sy aan haar ouma, Marelenè Schoonraad, opgedra het.

“Die oorwinning is bittersoet nadat my ouma in Augustus aan kanker gesterf het. Sy was alles wat ’n ware vrou moet wees en ek hoop om haar as inspirasie vir my jaar as Mej. SA te gebruik.”

Vir Ramos was haar ouma se vermoë “om altyd liefde in haar stem oor te dra, selfs in die moeilikste omstandighede”, haar grootste nalatenskap. “Dit is dan ook wat ek na die titel wil terugbring, die viering van alles wat dit is om ’n sterk vrou te wees. Om daardie sagte vroulikheid en moederinstink weer in die gemeenskap te vier.

“En ek sal alles in my vermoë doen dat die jeug meer vir bejaardes in die gemeenskap omgee.”

– Lees meer hier

– Volg Nuus24 op Twitter