Mariah Carey huur ekstra veiligheidswagte

2012-10-05 12:15

Los Angeles – Mariah Carey het ekstra veiligheidswagte gehuur nadat Nicki Minaj gedreig het om haar te skiet.

Die American Idol-ster het bevestig Minaj, mede-beoordelaar, het haar Dinsdag tydens 'n argument op die stel van die realiteitsreeks gedreig, en sy is bekommerd oor wat die "onvoorspelbare" kletsrymer volgende kan doen.

Carey het Barbara Walters, aanbieder van die kletsprogram The View, gekontak. Walters het 'n verklaring uitgelees wat bekendgemaak het verskeie personeellede het gehoor hoe Minaj sê: "As ek 'n vuurwapen gehad het, sou ek die feeks geskiet het."

Walters het gesê Carey is baie bekommerd.

"Sy is saam met haar tweeling en voel nie dat enigiets gaan gebeur nie. Maar Nicki is onvoorspelbaar en Mariah sê sy kan nie enige kanse waag nie en het daarom ekstra veiligheidswagte gehuur.

"Nicki het nog nie om verskoning gevra nie, hoewel hulle saam in vergaderings was. Sy het tydens die vergaderings gesê sy is lief vir Mariah maar dat hulle dalk weer kan vassit.

"Mariah het gesê in die stadium voel sy emosioneel nie gemaklik nie maar sy sal voortgaan met die program omdat sy daarvan hou om die deelnemers te mentor."

– Bang Showbiz.

– Volg Nuus24 op Twitter.