Madiba se kleindogters kry eie TV-reeks
2013-02-08 17:43
New York – Being Mandela, ‘n nuwe reeks wat Sondag op COZI TV in Amerika sal begin, nooi gehore uit om die lewens van Zaziwe Dlamini-Manaway en Swati Dlamini, die kleindogters van Mandela en Winnie Madikizela-Mandela, van nader te bekyk.
Die 94-jarige voormalige president van Suid-Afrika verskyn nie self in die reeks nie, maar sy eks-vrou, Winnie Madikizela-Mandela, sal wel op die program verskyn.
“Ons word baie gevra of die reeks nie die naam sal skade doen nie en of dit nie sal sleg wees vir die Mandela-naam nie?” het Swati Dlamini tydens ‘n onderhoud met The Associated Press in New York gesê. Sy en haar suster bemark tans die reeks in die stad.
“Ons grootouers het egter altyd vir ons gesê dat dit ook ons naam is en dat ons daarmee kan doen wat ons wil, solank ons dit met respek en integriteit behandel.”
Die eerste seisoen volg die twee vroue terwyl hulle probeer om moederskap te hanteer en die Mandela- nalatenskap voort te bou in Johannesburg.
Die susters begin ook hul eie mode-reeks, genaamd Long Walk to Freedom, ter ere van hul oupa se outobiografie.
Hulle hoop ook dat Amerikaanse kykers ‘n lewendige en moderne kant van Suid-Afrika deur hul oë kan sien.
Oudpres. Mandela sal dit definitief kyk, het die suster bygevoeg, omdat hy baie van realiteitstelevisie hou.
Die suster het ook bygevoeg dat hul oupa “gesond en gelukkig” is.
– Volg Nuus24 op Twitter
- Sapa - AP
