Maak reg vir Sex And The City 2
2010-03-12 10:47
Los Angeles - Met slegs 11 weke voor die bekendstelling van die langverwagte tweede Sex And The City rolprent het vervaardigers aanhangers ‘n paar leidrade gegee van wat om te verwag.
Sex And The City 2 verskyn sowat twee jaar nadat die eerste rolprent uitgeryk is. Hierdie keer sal die hoofkarakter Carrie Bradshaw, gespeel deur Sarah Jessica Parker, en haar drie vriendinne die strate van Marokko invaar.
Baie min is oor die storielyn bekendgemaak, maar daar sal glo 'n troue gehou word. Gerugte doen ook die ronde dat een van die karakters ‘n besoek van die ooievaar sal ontvang.
Lees hier meer.