Ma van Jude se kind bekend

2009-08-01 19:57

Londen - Die vrou wat swanger is met Jude Law se vierde kind is geïdentifiseer as Samantha Burke.

'n Prokureur vir die sosiale vlinder en aspirant aktrise het 'n verklaring uitgereik waarin dit bekend gemaak is dat Law die pa is van haar ongebore kind.

Luidens die verklaring het Burke swanger geraak tydens 'n kortstondige verhouding met Law oor die Kersvakansie van 2008.

Sy het haarself glo op die webwerf Babies R Us gaan registreer en daarop gesê die kind sal rondom 6 Oktober gebore word. Sy verwag 'n dogter, wat sy Sophia gaan noem.

Law is binnekort te sien in die opkomende Sherlock Homes-film

- Bangshowbiz.com