Lohan steeds 'in skok' oor onderonsie

2012-10-02 13:45

Los Angeles – Lindsay Lohan wil hê die polisie moet weer hul ondersoek heropen oor die man wat sy beweer het haar aangeval.

Die Liz & Dick-aktrise het 'n saak gemaak en beweer Christian LaBella het haar gewurg en op die grond gegooi nadat sy hom gekonfronteer het oor foto's wat hy van haar in 'n hotelkamer in New York-stad geneem het.

Die polisie het egter alle aanklagte laat vaar en Lohan het gesê sy is woedend en "in skok".

Sy het aan die New York Post gesê: "Hy gaan nie hiermee wegkom nie. Ek is in skok en dit was regtig 'n angswekkende situasie."

Maar LaBella se oom, Peter Jessop, hou vol hy is onskuldig en het Lohan se ma gekap oor die aanmerkings wat sy gemaak het.

"Hy verdien dit nie. Dit is verbasend dat haar ma gesê het hy het nie 'n wapen gehad nie. Natuurlik het hy nie 'n wapen nie. Hy is 'n goeie kind. Hy het vir twee kongreslede gewerk. Hy het net vir die naweek na New York gegaan. Hopelik verloor hy nie sy werk hieroor nie. Hy is geskok oor hoe die media die storie verdraai het."

Lohan beweer LaBella het met iemand in haar groep by 1 Oak nagklub bevriend geraak met die doel om nader aan haar te kom.

Sy sê sy het later in 'n fisieke argument met hom betrokke geraak nadat sy uitgevind het dat hy meer as 50 foto's van haar geneem en dit aan sy vriende ge-epos het.

Lohan het die voorval Sondagoggend om 04:30 by die polisie aangemeld en beweer sy is van agter gewurg en op die grond gegooi in haar kamer by die W-hotel in Manhattan waar sy en vriende tuisgegaan het.

– Bang Showbiz.

– Volg Nuus24 op Twitter.