Liz Hurley vloek, stamp joernalis op lughawe

2013-01-17 13:30

Perth – Die aktrise Liz Hurley word daarvan beskuldig dat sy 'n bekende TV-joernalis op die Perth-lughawe uit die pad gestamp en gevloek het, berig The Australian.

Joernaliste by die lughawe het vrae aan Shane Warne gestel nadat hy nie die Melbourne Stars teen die Perth Scorchers aangevoer het nie. Hurley het Caty Price toe gestamp en gesê "dis ongeskik om voor mense te staan".

Price het Hurley toe gevra wat sy van die wedstryd gedink het, waarna die aktrise geantwoord het: "Ek dink jy moet f***f".

Die joernalis het kort daarna haar volgers op die sosiale netwerk Twitter laat weet wat gebeur het.



Hurley het later gesê sy het die gasvryheid in Perth geniet, maar het ook haar volgers laat weet wat op die lughawe gebeur het.



Price het gesê sy het nog nooit 'n probleem met Hurley gehad nie.

– Lees meer hier

– Volg Nuus24 op Twitter