Lindsay sleep haar pa hof toe
2012-10-22 12:44
Los Angeles – Lindsay Lohan wil glo ‘n hofbevel teen haar pa kry.
Dié nuus volg nadat haar pa, Michael Lohan, verlede week misluk het in sy poging om by sy dogter se lewe "in te gryp". Michael is glo bang dat Lindsay weer begin het om drank en dwelms te misbruik.
‘n Bron na aan Lindsay het aan TMZ gesê sy voel die enigste manier om haar pa te keer is om regsaksie teen hom te neem.
Die aktrise het onlangs weer alle bande met haar pa verbreek na hy ‘n telefoonoproep wat Lindsay gemaak het, opgeneem het en aan die publiek beskikbaar gemaak het. Die oproep is gemaak tydens 'n rusie tussen Lindsay en haar ma, Dina.
Lindsay sal glo nog die week met haar prokureur vergader, en haar ma ondersteun haar in haar besluit.
Intussen het die fiksheidsinstrukteur Josh Chunn met die media gepraat oor sy beweerde verhouding met Lindsay.
"Ek probeer vir Lindsay kry om te fokus, maar hoe kry jy iemand om te fokus as daar so baie goed rondom hulle aangaan? Ek kan skaars fokus. Sy is ‘n sterk meisie. Ek wil net hê sy moet oukei wees,” het Chunn aan die New York Daily News gesê.
“Ek is hier vir Lindsay. Ek luister. Ek werk hard vir my geld en betaal my eie rekening as ons uitgaan.”
Lindsay het egter op Twitter ontken dat sy ‘n kêrel het.
“Ek het nie ‘n kêrel nie. Ek het Chanel, Hermes en diamante,” het Lindsay getweet.
– Volg Nuus24 op Twitter
