Lindsay hospitaal toe geneem ná asma-aanval

2012-09-26 09:30

Los Angeles – Lindsay Lohan is na 'n hospitaal geneem nadat sy 'n asma-aanval gehad het, het haar ma gesê.

Die 26-jarige aktrise is Sondagaand na die Mount Sinai- mediese sentrum in New York geneem nadat sy van ernstige borspyne gekla het. Sy het gedink dit kan dalk longontsteking wees.

Volgens Lohan se ma, Dina, het die hoeveelheid stuifmeel in die stad veroorsaak dat haar dogter 'n asma-aanval gekry het en dit was so erg dat sy mediese behandeling moes kry.

"Lindsay het verlede week glad nie lekker gevoel weens die hoeveelheid stuifmeel in New York nie. Sy het brongiale asma ontwikkel toe sy nog baie klein was."

Lohan is besig om tonele saam met die akteur Charlie Sheen te skiet vir die film Scary Movie 5.

Sy is verlede week in hegtenis geneem nadat sy glo van 'n ongelukstoneel gevlug het en word daarvan beskuldig dat sy 'n voetganger raakgery het.

– Bang Showbiz.

– Volg Nuus24 op Twitter.