Lindsay Lohan wéér aangekla

2011-02-09 10:03

Los Angeles – Lindsay Lohan sal Woensdag van diefstal aangekla word nadat sy glo ‘n halssnoer by ‘n juwelierswinkel in Los Angeles gesteel het, het staatsaanklaers gesê.

Indien die 24-jarige aktrise skuldig bevind word kan sy tronkstraf opgelê word.

Lohan sal na verwagting Woensdag in die hof verskyn en aangekla word.

Sy het glo Januarie uit ‘n winkel geloop sonder om vir die halssnoer van R18 000 te betaal.

Dié diefstal klag kom slegs ‘n maand nadat Lohan uit ‘n rehabilitasiesentrum vrygelaat is.

Volgens Lohan se prokureur ontken sy die aanklagtes en gaan dit in die hof beveg.

Lohan se vriende beweer sy het die halssnoer net geleen en dit is intussen aan die polisie oorhandig.

- Vir die volledige storie besoek Showbiz.

- Volg Nuus24 op Twitter.