Lindsay Lohan skuld prokureur R2,6 miljoen
2013-01-15 17:54
Los Angeles – Lindsay Lohan skuld haar voormalige prokureur, Shawn Holley, glo meer as $300 000 (sowat R2,6 miljoen) in onbetaalde regskostes.
Lohan, wat Holley onlangs afgedank het, het glo ook meer as ses maande laas enige betalings aan Holley gemaak.
“Lindsay het nog niks vir Shawn betaal vir enige van die werk wat hy gedoen het op haar nuwe drie nuwe klagtes nie. Shawn hou al die afgelope vyf jaar vir Lindsay uit die tronk uit. Hy word gerespekteer deur regters en aanklaers en dit het vir Lindsay gehelp,” het ‘n bron aan RadarOnline.com gesê.
“Haar nuwe prokureur, Mark Heller, is nie eens in Los Angeles gebaseer nie en het definitief nie die reputasie wat Shawn het nie.”
Die 26-jarige Mean Girls- en Parent Trap-ster het in onlangse jare verskeie kere met die gereg gebots en is tronk toe omdat sy haar proeftydperk-voorwaardes verontagsaam het.
Een berugte saak hou verband met 'n ongeluk wat in Junie plaasgevind het. Die polisie het vasgestel dat sy gejok het toe sy aan hulle gesê het sy het nie die Porsche wat in die ongeluk betrokke was, bestuur nie.
Lohan is ondermeer daarvan aangekla dat sy valse inligting aan die polisie verskaf het. Aanklagte van roekelose bestuur is ook teen haar aanhangig gemaak.
– Volg Nuus24 op Twitter
