Lindsay Lohan pleit onskuldig

2011-02-10 09:55

Los Angeles – Die aktrise Lindsay Lohan het onskuldig gepleit op ‘n aanklag van diefstal ná sy glo ‘n halssnoer ter waarde van R18 000 by ‘n juwelierswinkel in Los Angeles gesteel het.

Hierdie voorval kom slegs drie weke ná sy uit ‘n rehabilitasiesentrum vir alkohol en dwelmverwante probleme vrygelaat is.

Indien Lohan skuldig bevind word kan sy tot drie jaar tronkstraf opgelê word, het staatsaanklaers gesê.

Lohan word daarvan beskuldig dat sy uit die juwelierswinkel geloop het sonder om vir die halssnoer te betaal.

Haar vriende beweer egter sy het die halssnoer geleen.

Lohan is op ‘n proeftydperk vrygelaat nadat sy in 2007 vir dronkbestuur en die besit van kokaïen gearresteer is. Dít het Lohan se filmloopbaan tot stilstand gebring nadat sy as ‘n jong kind een van die bedryf se belowendste jong aktrises was.

- Volg Nuus24 op Twitter.
 

- Reuters