Gewilde aktrise probeer selfmoord pleeg

2012-07-07 07:44

Kaapstad – Die gewilde Suid-Afrikaanse aktrise Lindie Stander, bekend vir haar rol in die Afrikaanse sepie Binneland, het probeer selfmoord pleeg.

Beeld berig dat Stander in die psigiatriese eenheid van die Helen Joseph-hospitaal in Johannesburg opgeneem is ná ’n selfmoordpoging vroeër die week.

Sy het haar een bo-arm glo tot op die been oopgesny.

Elsje en Friedrich Stark, vervaardigers van die sepie, het luidens Beeld op ’n perskonferensie in Parys in die Vrystaat gesê dat hulle het besluit het om Stander se karakter, suster Elise, uit die sepie te skryf nadat sy Woensdag in die hospitaal opgeneem is.

Ernst Swart, Binneland se skakelbeampte, het bevestig Stander is ingelig oor hul besluit.

“Sy besef self sy het hulp nodig en sal hopelik nou die hulp kry,” het hy gesê.

– Lees hier meer.

– Volg Nuus24 op Twitter.