Lil Wayne kom na SA
2011-09-24 23:00
Kaapstad – Die Amerikaanse hiphop-ster Lil Wayne kom Suid-Afrika vanjaar in Desember as deel van sy wêreldtoer besoek, het die musiekvervaardiger Canoc Productions Saterdag gesê.
Die 28-jarige Grammy-wenner sal in Johannesburg, Kaapstad en Durban tydens sy "I am still music"-toer optree, het woordvoerder Glen Netshipise in a verklaring bevestig.
Lil Wayne sal in Kaapstad by die Bellville Velodrome op 7 Desember, in Johannesburg by die Coca-Cola dome op 9 Desember en in Durban op 11 Desember optree.
'n Plek vir die Durban-konsert moet nog bevestig word.
Kaartjies sal by Computicket beskikbaar wees.
Volg Nuus24 op Twitter.