Lil Wayne dagvaar Quincy Jones III

2012-09-10 13:08

Los Angeles – Lil Wayne dagvaar Quincy Jones III nadat hy sy musiek in 'n dokumentêre film gebruik het, het The Sowetan berig.

In dokumente wat deur die skinderwebwerf TMZ bekom is, beweer die kletsrymer hy het nie toestemming gegee dat sy musiek in The Carter gebruik mag word nie.

Lil Wayne beweer Jones se seun en ander vervaardigers het hom nooit gevra of hulle sy liedjies in hul projek mag gebruik nie.

Dit wil egter voorkom of hy sy samewerking tydens die verfilming van die dokumentêr gegee het, omdat hy toegelaat het dat kameras hom mag volg.

Lil Wayne het egter nie van die uitkoms van die film gehou nie en hulle gedagvaar. Hy het beweer die film laat hom "skandalig" voorkom.

Lil Wayne eis 'n onbekende bedrag in skadevergoeding en 'n hofbevel wat vervaardigers verhoed om sy musiek te gebruik.

– Volg Nuus24 op Twitter.