Liefde blom tussen ’n Mnr. en Mej. SA

2013-01-25 09:13

(Huisgenoot)

Kaapstad – Die nuus dat Melinda Bam, Mej. Suid-Afrika 2011, en Adriaan Bergh, Mnr. Suid-Afrika 2011, ’n paartjie is, het bekend geraak ná ’n twiet van Melinda oor die feestyd – en die liefde blom steeds tussen dié twee.

Dié pragpaar het in 'n onderhoud met Huisgenoot vertel dat hulle nog smoorverlief is.

“Ek het my vriend op die rug geklap en vir hom gesê, sy gaan eendag my meisie wees,” het Adriaan vertel oor die eerste keer wat hy Melinda gesien het.

Hy het haar die eerste keer in 2008 by die IT-gebou by die Universiteit van Pretoria raakgesien toe hy en sy studentemaats die meisies dopgehou het wat verbystap.

Dié oomblik sal hy nooit vergeet nie, en ook nie hulle eerste soen nie. 

"Ons sal nou nog partykeer [sê]... onthou jy nog die eerste soen?" het Melinda gesê.

– Lees meer by Huisgenoot.com, en kyk na 'n uittreksel uit die onderhoud.