Legendariese sangeres kap talentprogramme

2012-11-20 11:39

Los Angeles – Die legendariese sangeres Dionne Warwick het  teen talentprogramme soos X-Factor uitgevaar en sê die beoordeelaars het nie genoeg ondervinding om raad aan aspirant-kunstenaars te gee nie.

Die 71-jarige Warwick was verskrik om te sien hoe jong popsterre kritiek lewer op vertonings toe sy ingeskakel het op die Verenigde Koninkryk se The X Factor.

Die 24-jarige Tulisa Contostavlos en Nicole Scherzinger (34) is beoordelaars op dié program en Warwick meen veterane in die bedryf moet dié taak verrig.

"Ek het X-Factor hier in Brittanje gekyk en dit is 'n interessante scenario. Diegene wat in daardie stoele sit en die mense beoordeel – ek weet nie of enige van hulle genoeg ondervinding het om ware kritiek, ware raad of ware aanmoediging te gee nie," het sy aan Lady.co.uk gesê.

"Diegene (deelnemers) wat alles gee en gesê word 'dit is aaklig' – dit is nie die manier om dit te doen nie. Jy verwoes nie hul visie nie, jy probeer dit verbeter en aanmoedig."

– Lees meer hier

– Volg Nuus24 op Twitter