'Lasterlike' boek ontstel Belgiese koninklikes

2012-10-24 13:34

Brussels – België se koninklike familie verloor heelwat van sy glans in ‘n boek wat Dinsdag in Frans en Nederlands in België gepubliseer is.

Royal Question deur Frederic Deborsu, ‘n joernalis by die RTBF-staatsradio- en -televisienetwerk, gebruik meestal anonieme bronne om 'n beeld van die koninklikes te skets.

Die koniklike familie het die boek se “onjuiste en lasterlike besonderhede” sterk veroordeel en het bygevoeg dat dit die koninklike familie se naam skade aandoen.

RTBF het hom glo van die skrywer gedistansieer en gesê dat die boek geskryf is terwyl hy op verlof was.

Deborsu beweer dat die koning gehoop het om die tuig volgende jaar neer te lê, maar dat separatistiese neigings in die noorde hom gedwing het om aan te bly tot die verkiesing in 2014.

Behalwe vir politieke kwessies fokus die boek ook op huishoudelike stories van die koninklikes.

“Hoekom het koning Albert en koningin Paoloahul hul kinders se opvoeding laat misluk?” vra Deborsu onder andere in die boek.

Stories van baie lede van die koninklike famile, insluitend die koning se alombekende manewales as ‘n jong man, word ook in die boek uitgelig.

– Volg Nuus24 op Twitter
 

- AFP