Forbes: Lady Gaga mees invloedryke ster
2011-05-19 18:00
Lady Gaga is amptelik as die wêreld se mees invloedryke ster benoem.
In Forbes-tydskrif se jaarlikse Celebrity Power 100-lys het dié sanger bekendes soos Oprah Winfrey, wat die top-posisie die afgelope vier jaar beklee het, Justin Bieber en Elton John geklop.
Behalwe vir die $90 miljoen (R622 miljoen) wat sy oor die afgelope 12 maande ingebring het, word die 25-jarige ook gesien as baie invloedryk as gevolg van haar miljoene volgelinge en aanhangers op die sosiale netwerke Twitter en Facebook.
“Lady Gaga is bo-aan ons lys, nie net as gevolg van haar $90 miljoen inkomste nie, maar ook as gevolg van haar 32 miljoen Facebook-aanhangers en 10 miljoen Twitter-volgelinge,” het die tydskrif in ‘n verklaring gesê.
“Daardie aanhangers het gehelp om een miljoen kopieë van haar enkelsnit-treffer, Born This Way, binne slegs vyf dae te verkoop.”
Justin Bieber, Katy Perry en Natalie Portman het onderskeidelik 3de, 12de en 75ste op die invloedryke lys verskyn.
“As dit 10 jaar gelede was, sou Bieber nog sy musiek in klein klubs en by skole gespeel het, maar te danke aan die internet is hy ‘n sensasie. Sy eerste treffer, Baby, is 500 miljoen keer op YouTube gekyk.”
Nietemin het Britney Spears en die Harry Potter-akteur Daniel Radcliffe dit nie tot op die lys gemaak nie, ten spyte daarvan dat hulle vorige jare daarop verskyn het.
Forbes se Celebrity Power List 2011 Top 20
1. Lady Gaga
2. Oprah Winfrey
3. Justin Bieber
4. U2
5. Sir Elton John
6. Tiger Woods
7. Taylor Swift
8. Bon Jovi
9. Simon Cowell
10. Lebron James
11. Angelina Jolie
12. Katy Perry
13. Johnny Depp
14. Kobe Bryant
15. Leonardo DiCaprio
16. Black Eyed Peas
17. Donald Trump
18. Dr. Phil McGraw
19. Tyler Perry
20. Sir Paul McCartney
- iol