Lady Gaga maak amok op lughawe

2010-03-12 13:43

Londen –  Lady Gaga is onlangs deur sekuriteitsbeamptes by ‘n lughawe vasgevat nadat sy geweier het om van een van haar reuse hoede ontslae te raak sodat sy uitgeken kan word.

Meeste sterre skuil agter ‘n groot donkerbril maar die sangeres het ‘n reuse hoed met ‘n swart sluier en ‘n sonbril aangehad. Sy het op ‘n lughawe in Los Angeles geweier om daarvan ontslae te raak toe haar paspoort nagegaan moes word.

Sekuriteitsbeamptes het geen ander keuse gehad as om Lady Gaga weg te neem en in ‘n private kamer uit te ken nie. Sy is 15 minute later vrygelaat en was nog betyds vir haar vlug.

Lees hier meer