Lady Gaga kuier by Julian Assange

2012-10-10 11:55

Los Angeles – Lady Gaga het Dinsdag 'n verrassingsbesoek by Julian Assange afgelê.

Die "Born This Way"-sangeres het haar ondersteuning vir die WikiLeaks-stigter gewys, deur na die Ecuadoriaanse ambassade in London te gaan waar hy sedert Junie woon.

Gaga was in die omgewing by die luukse Londense winkel Harrods om haar nuwe parfuum, The Fame, te bemark toe die kletrsymer M.I.A. op Twitter aan haar gesê het as sy by Harrods is kan sy Assange by die Ecuadoriaanse ambassade besoek.

Assange woon al sedert 19 Junie in Ecuador se ambassade in Londen om uitlewering aan Swede te vermy. Hy word in Swede gesoek vir ondervraging oor beweerde seksuele misdrywe.

Gaga het na die ambassade gegaan en vyf uur lank met Assange gesels. Hulle het ook 'n privaat aandete saam geniet.

Gaga het die ambassade eers teen middernag verlaat en vir 'n foto met Assange geposeer. Die foto is later op haar amptelike webwerf www.littlemonsters.com geplaas.

Die 26-jarige sangeres se aanhangers het haar besluit om Assange te besoek, ondersteun.

– Bang Showbiz.

– Volg Nuus24 op Twitter.