Lady Gaga bang sy word soos Lennon vermoor

2010-10-14 04:19

Kaapstad – Lady Gaga se lyfwag moet oor haar waak terwyl sy slaap.

Die sangeres is glo bang dat sy deur ‘n mal aanhanger vermoor sal word op ‘n soortgelyke manier wat die Beatles-legende John Lennon vermoor is.

Lennon is in 1980 op die trappe van sy huis doodgeskiet.

Gevolglik het Lady Gaga haar sekuriteit opgeskerp sodat hulle te alle tye by haar is en sy het selfs van haar sekuriteitspersoneel na haar woning in New York geskuif.

Volgens ‘n bron dink Lady Gaga dat van haar aanhangers se briewe effens skrikwekkend is.

Sommige van haar aanhangers het glo ‘n obsessie met haar en maak vreemde aanmerkings soos dat hulle nie gelukkig sal wees totdat hulle saam met haar sterf nie.

“Sy is bekommerd oor hoe John Lennon gesterf het en sy is bang dat dieselfde met gaar sal gebeur. Sy het hierdie vreeslike gedagtes dat daar dalk planne is om haar te vermoor.”

Lees meer by Tonight

Volg Nuus24 op Twitter