L.A. Reid klaar met The X Factor
2012-12-14 14:54
Los Angeles – Die musiekbaas L.A. Reid, wat saam met Simon Cowell een van die oorspronklike beoordelaars op The X Factor was, het bedank.
Reid het besluit om nie volgende jaar na die kompetisie terug te keer nie, omdat hy wil fokus op sy rol as voorsitter van die platemaatskappy Epic Records.
"Ek het besluit dat ek nie volgende jaar na The X Factor gaan terugkeer nie. Ek is hartseer daaroor, maar net 'n bietjie. Ek het 'n maatskappy om te bestuur, wat ek soort van afgeskeep het," het hy aan Access Hollywood gesê.
Reid beplan egter nie om Cowell, wat hy as 'n hegte vriend beskou, te groet nie.
"Ek is lief vir Simon. Ons het 'n wonderlike verhouding. Ons het pret saam, ons praat, ons lag en doen stoute goed, ons is vriende.
"Dit was 'n lekker blaaskans, maar nou moet ek terugkeer werk toe.
– Lees meer hier
– Volg Nuus24 op Twitter
