Kutcher, Moore nou ook op Twitter vervreem
2011-10-03 15:13
Los Angeles – Ashton Kutcher, ster van die trefferreeks Two and a Half Men, volg nie meer sy vrou, Demi Moore, op die sosiale netwerk Twitter nie.
Die Amerikaanse webwerf RadarOnline het Vrydag berig dat Kutcher nie meer vir Moore, wat die naam @mrskutcher gebruik, volg nie.
Moore het op haar beurt ook nie meer vir Kutcher op Twitter gevolg nie, maar het na ‘n kort tydjie weer van plan verander.
Wanneer Twitter-gebruikers mekaar nie meer volg nie kan hulle nie meer mekaar inskrywings of tweets op dié sosiale netwerk sien nie.
Kutcher is een van Twitter se gewildste gebruikers, en spog met amper 8 miljoen volgelinge. Hy was in 2009 die eerste Twitter-gebruiker om die miljoen-kerf verby te steek.
Dié drama volg nadat daar vroeër berig is Kutcher en Moore se huwelik is dalk op die rotse. Gerugte dat Kutcher ontrou was het verlede week die ronde begin doen.
– Channel24.
– Volg Nuus24 op Twitter.