Kurt en Dunay het ’n troudatum!
2010-08-25 12:14
Kaapstad - Kurt Darren en sy verloofde, die model Dunay Nortjé, het uiteindelik op ’n finale troudatum besluit.
Na maande se wik en weeg, en Kurt se dagboek koördineer, het die paartjie besluit om in Januarie te trou. Waarskynlik omdat die musiekbedryf dan stil is.
Die paartjie swyg nog oor die presiese datum en waar die troue gaan plaasvind, maar Dunay het voorheen al gedroom oor ’n bos-troue oor sy en Kurt baie lief is vir die veld.
Die paartjie wil nie met die media oor die troue praat nie, want dis glo “reeds aan ’n groot publikasie belowe”. Kurt se platemaatskappy Select Music het dit bevestig en Wendy van Niekerk wou geen verdere kommentaar lewer nie.
Kurt het Dunay reeds in Julie 2009 die ja-woord gevra en die paartjie was toe vas van plan om nie ’n lang verlowing te hê nie.
Dié troue beloof glo om die celeb-troue van die dekade te wees, vertel ’n kennis van die paartjie.
- Vir meer inligting besoek Sarie.
- Volg Nuus24 op Twitter.