Kunstenaar wat versamelaars flous vas vir bedrog
2011-09-27 23:04
Parys – ‘n Duitser het erken dat dit vir hom heerlik
was om kenners en versamelaars met 14 nagemaakte skilderye te flous.
Hy het die skilderye vir miljoene rande
verkoop.
Vier mense wat betrokke is, word in Cologne aangekla van bedrog
van €16 miljoen (sowat R129 miljoen).
Wolfgang B (60), was die eerste beskuldigde
wat skuld erken het toe hy ‘n pleitooreenkoms aanvaar het.
Volgens die pleitooreenkoms sal hy nie meer as
ses jaar agter tralies hoef te spandeer nie.
Skatryk versamelaars is om die bos gelei en het skeppings deur Duitse en Nederlandse
skilders uit die 1920’s aangekoop, wat nooit deur hulle geskilder is nie.
Volgens die swendelaars het die skilderye aan Werner
Jaegers behoort, ‘n kunsversamelaar wat baie privaat was.
“In my geestesoog het ek skilderye opgeroep
wat dié skilders kon gedoen het,” het Wolfgang verduidelik.
Wolfgang se van word volgens Duitse
privaatheidsmaatreëls uit die media gehou.
Hy het nooit sy graad in kuns klaargemaak nie,
maar het in die 1970’s as ‘n professionele nabootser van ou meesters se
skilderye geld gemaak.
Hy vertel dat hy nooit van die kunsmark of kunsversamelaars
gehou het nie en dat hy dit geniet het om hulle te flous.
Volg Nuus24 op Twitter.
- Sapa-DPA